ਚੋਰਾਂ ਨੇ ਕੀਤੀਆਂ ਸਾਰੀਆਂ ਹੱਦਾਂ ਪਾਰ# ਹੁਣ ਸ਼ਮਸ਼ਾਨਘਾਟ ਨੂੰ ਬਣਾਇਆ ਨਿਸ਼ਾਨਾ, ਸਟੋਰ ਕਮਰੇ ਦਾ ਸ਼ਟਰ ਉਖਾੜ ਕੇ ਲੈ ਗਏ ਨਾਲ

.

ਸਰਦੀਆ ਦਾ ਮੌਸਮ ਆਉਂਦੇ ਹੀ ਚੋਰੀਆ ਦਾ ਸਿਲਸਿਲਾ ਵਧਣ ਲੱਗਾ ਹੈ। ਇਸੇ ਤਹਿਤ ਨਗਰ ਨਿਗਮ ਦੀ ਹਦੂਦ ਅੰਦਰ ਆਉਂਦੇ ਵੱਲਾ ਵਿਖੇ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੰਦੇ ਹੋਏ ਚੋਰ ਸ਼ਮਸ਼ਾਨਘਾਟ ਦੇ ਸਟੋਰ ਦਾ ਸ਼ੱਟਰ ਉਖਾੜ ਕੇ ਲੈ ਗਏ ਅਤੇ ਸਟੋਰ ਅੰਦਰ ਪਏ ਕਹੀਆਂ, ਬਾਲਟੇ ਤੇ ਟੋਕਰੀਆ ਵੀ ਆਪਣੇ ਨਾਲ ਲੈ ਗਏ। ਸਮਾਜ ਸੇਵਕ ਕਸ਼ਮੀਰ ਸਿੰਘ ਕਾਕੂ ਤੇ ਬਾਬਾ ਇੰਦਰ ਸਿੰਘ, ਬਲਦੇਵ ਸਿੰਘ ਬਾਘਾ, ਸਤਨਾਮ ਸਿੰਘ ਨੇ ਇਸ ਘਟਨਾ ਦੀ ਨਿਖੇਧੀ ਕਰਦੇ ਕਿਹਾ ਕਿ ਚੋਰਾ ਨੇ ਸ਼ਮਸ਼ਾਨਘਾਟ ਨੂੰ ਵੀ ਨਹੀ ਬਖਸ਼ਿਆ। ਉਨ੍ਹਾ ਕਿਹਾ ਕਿ ਵੱਲਾ ਥਾਣਾ ਵਿਖੇ ਇਸ ਦੀ ਲਿਖਤੀ ਸ਼ਿਕਾਇਤ ਕਰ ਦਿੱਤੀ ਗਈ ਹੈ। ਕਾਕੂ ਤੇ ਬਾਬਾ ਇੰਦਰ ਸਿੰਘ ਨੇ ਕਿਹਾ ਕਿ ਪੁਲਿਸ ਨੇ ਭਰੋਸਾ ਦਿੱਤਾ ਹੈ ਕਿ ਛੇਤੀ ਹੀ ਚੋਰੀ ਦੀ ਵਾਰਦਾਤ ਦੇ ਜਿੰਮੇਵਾਰ ਚੋਰਾ ਨੂੰ ਕਾਬੂ ਕਰ ਲਿਆ ਜਾਵੇਗਾ। ਕਸ਼ਮੀਰ ਸਿੰਘ ਕਾਕੂ ਨੇ ਕਿਹਾ ਕਿ ਸ਼ਮਸ਼ਾਨਘਾਟ 'ਚ ਰਾਤ ਮੌਕੇ ਨਸ਼ੇੜੀਆ ਦੀਆ ਸਰਗਰਮੀਆ ਵੀ ਤੇਜ਼ ਹੋ ਜਾਦੀਆ ਹਨ, ਜਿਨ੍ਹਾ 'ਤੇ ਲਗਾਮ ਕਸਣੀ ਜ਼ਰੂਰੀ ਹੈ।